其實咁大個女，我有兩種唔舒服好驚，一種係嘔，另一種係頭痛。。。因為每次痛得緊要嘅時候，我都會痛到嘔，痛到喊，嗰種痛唔係食止痛藥就可以冇事，而係要嘔到唔痛為止！尋晚收工嘅時候，個頭已經痛緊。。。返到屋企食咗止痛藥已經瞓，但只係瞓得一陣又痛醒咗。。。又要起身揾止痛藥！！！
今朝都係咁。。。而且越嚟越攰！就連同家姐落旺角都冇乜心機，嘢又食唔落，仲要頂住想嘔同不停出冷汗，好辛苦！！！！！！！結果行咗一陣，我已經頂唔順要返屋企。。。返到屋企我即刻上床瞓覺，瞓到返阿麻到食飯，不過我都係依然冇食到！
低能仔收工就返咗嚟，我上咗佢屋企。。。不過佢一返到去就要即刻做嘢，我知佢真係好忙，所以我同佢講，不如我快啲幫你鍊完，我就返去俾你靜靜哋做！點知最後佢都係陪到我好夜。
今晚我同佢講咗好多好多我嘅感覺，第一次用發皮氣嘅口吻同佢講，其實我冇發過皮氣，只係想嗲吓佢，因為用呢種口吻同佢講完之後，我哋都忍唔住笑咗出嚟，哈哈。。。我發現我哋拍咁耐拖都冇嗌過交，每一次一係佢唔出聲，一係就我唔講嘢，可能因為我哋都好怕嘈嗰種感覺，同時亦好怕會傷害到大家之間嘅感情！其實我覺得自己好幸運，揾到一個響呢方面可以互相遷就到嘅人。。。低能仔，愛你！
期待聽日同你一齊渡過我哋嘅17個月紀念日！
分類: 我們的生活點滴 |
