病咗咁耐，唔係食同瞓，冇其他嘢做真係好辛苦！我唔鍾意做癱紀，搞到個人越嚟越唔攰咁。。。。今日低能仔5點幾就出咗嚟接我，我哋食完飯，行咗一陣就返去喇！個傻佬依然陪我睇“老表你好hea”，依然攬住我瞓咗陣，依然令我覺得好温暖！！
尋晚佢返到屋企冇揾過我，我 whatsapp佢，佢亦冇覆我。。。我估佢應該攰到瞓著咗！我捱住眼瞓咁等佢，因為以佢之前每逢佢瞓著咗，通常佢都會兩三點起身，所以我就瞓響張床到等佢，結果佢真係兩點幾起身，我哋傾咗一陣，我就頂唔順要瞓覺喇。。。因為啲藥真係好攰💤
低能仔話佢生日嗰日，同我去 hello kitty展，雖然我好開心，但我唔想去！我知道佢係錫我先會帶我去，但嗰日係佢生日，唔應該遷就我去啲我想去嘅地方，而係應該我 plan一個令佢難忘嘅生日嘛。。。
分類: 我們的生活點滴 |
