今日返 FM，因為太耐冇返過去，有好多嘢要跟返。。。而我個好同事，又唔寫低啲嘢放咗去邊，垃圾又唔倒，仲要勁污糟，今日做到隻狗咁！！！
今日send 咗email去低能仔幫我揾嗰份工，唔知係咪因為響公司 send呢封 email嘅關係？所以感覺好似特別大咁。。。我終於徹徹底底咁明白點解低能仔咁想我走？！原來當一份工作，你返得根本唔開心、唔想返呢到，甚至去到連自己都已經覺得自己精神崩潰嘅時候，呢份工作對你嚟講，已經再無任何承諾可言，每日返工都要同人鬥 EQ高，真係好攰！今日我個頭又好痛，我諗之前醫生話我壓力太大而引至偏頭痛番發，真係冇得唔到我唔再承認喇！低能仔，你放心，我一定會俾心機揾工！！！
好唔容易先捱到收工，今晚低能仔嚟接我，但我個心已經攰到冇晒力，見到佢我先能夠笑得出。。。只有佢先能夠令我笑，令我温暖！其實明明好肚餓，但唔知點解我都係食得好少。。。好想食埋去，不過又食唔落！我陣係覺得好辛苦，低能仔，我係咪好冇用呀？
分類: 我們的生活點滴 |
