今日係爸爸生日，夜晚要去食飯，所以今日放假一日，終於都可以瞓到12點幾先起身，仲要有人買埋早餐、檸茶俾我，真係好呀！！
下晝俾媽咪捉咗出去行街，行到四點幾就去揾靚仔醫生睇醫生。。。陪媽咪行咗咁耐，仲攰過返工呀！爸爸佢哋六點幾出到嚟，今晚食放題，好耐都冇食過喇！不過我都係食得唔多，好快就飽！
低能仔今晚返佢奶媽到食飯，六點幾就食完返屋企等我，我個心一早就飛咗返去！我食完飯之後，好想快啲返去揾佢，以前我會好鍾意同家姐食完飯兩個人去行街，但依家我只係想同低能仔一齊，就算冇嘢做，兩個一齊響屋企，我都覺得好開心，只要有佢乜都變得更好！今晚我成930先返到嚟，我 whatsapp佢話拎埋啲嘢就過去，佢竟然話我“咁耐架！”你知嘛。。。睇到呢句說話，我響到傻笑，唔知點解我覺得好冧。。。原本今晚食咗藥好攰，但見到低能仔我即刻精神晒，因為有人一開門就攬實我，仲有人好細心咁幫我鍊咗一陣！
今日個傻佬問我想唔想佢聽晚接我收工？其實佢一問呢句，我就知道佢有嘢做！原來佢之前應承咗請拍片嘅人食飯，所以我就叫佢去。。。點知個傻佬話唔好，佢想見我！呢一刻我真係好開心，開心過佢買嘢氹我，因為我要嘅就係咁簡單，佢個心有我響到！低能仔，我真係好愛好愛你。。。
分類: 我們的生活點滴 |
