尋晚又係瞓得唔好，瞓吓醒吓咁。。。已經第三晚係咁喇！起身嘅時候，依然覺得好攰！
今日返到鋪頭好忙，兼且喉嚨痛、流鼻水仲開始咳，個人攰上加攰。。。臨收工嘅時候，低能仔過咗嚟接我，見到佢咁攰，我都唔忍心俾佢知我都好攰，我只想佢見到笑住嘅我！
或者因為有啲唔舒服，今晚我冇乜胃口食嘢，只係食咗份三文治當晚餐，幸好低能仔肯乖乖哋食嘢，因為佢都病咗。。。病得仲勁過我，陰公豬！低能仔，你要快啲好番。。。
今晚見到咁攰又咁病嘅佢都嚟接我，我覺得好心痛。。。我知道佢好錫我，所以收工專登趕過嚟接我，不過我唔想佢咁攰，我寧願辛苦、攰嗰個係我，都唔希望嗰個係你！我只係希望你每日都舒舒服服，精精靈靈。。。所以如果你攰，就唔使嚟接我，有時間就要休息多啲，最多我收工買嘢返嚟俾你食、同你鍊，好冇呀？
分類: 我們的生活點滴 |
