尋晚 whatsapp低能仔，不過等咗好耐都等唔到，佢應該好早就瞓著咗。。。而我就拎住咗個電話等佢，亦等到不知不覺瞓咗，到咗今朝七點幾，我俾個電話震醒咗，見到係低能仔覆我，睇完我冇覆到就繼續瞓，原來我拎住咗個電話拎咗成晚，哈哈。。。。
今朝原本要開會，但因為喉嚨好痛，又係咁咳，結果我冇去開會，走咗去睇醫生，然後先再返工。。。食咗啲藥真係好攰，周身都好痛，好想好想快啲收工！
今晚低能仔趕唔切過嚟接我，我哋響188等。。。今晚見到佢，佢個樣依然好攰，我哋依然冇乜嘢講，食完嘢搭車返去，我見佢攰到瞓著咗，其實我好想攬住佢，但我唔忍心整醒佢！
你知唔知我今日成日其實都好掛住你？
分類: 我們的生活點滴 |
