今日又係好忙好忙。。。一做做到3點幾先食飯，不過食得一啲都唔舒服，食兩啖又有客，盒外賣足足食咗個幾鐘先食完！！！！
下晝收到低能仔 whatsapp，佢話佢好辛苦，頂唔順。。。陰公豬！我知佢唔舒服，就叫佢今晚唔好嚟接我，返去休息吓！個傻佬起初唔肯，但最後都乖乖哋返去，真抵錫！
今晚收工後，雖然冇佢響身邊，我好掛住佢，不過只要佢唔使咁辛苦就冇所謂！一諗到佢又病又多嘢做，本來諗住買外賣返去一齊食，但佢話唔肚餓，我唯有收工就搭車返屋企！諗咗好耐我決定唔過佢到，我相信只要我唔上去，佢先可以專心做嘢同休息。。。
聽日就係我哋拍拖一年半嘅日子，希望我同你聽日可以開開心心、精精神神咁過！
分類: 我們的生活點滴 |
