18個月喇！今日係我哋拍拖18個月喇。。。
今日休息，但依然都係10點就醒咗，夜晚又瞓得唔好，瞓咗同冇瞓根本冇分別！！起身同媽咪出咗去食嘢後，買咗啲嘢諗住星期日煲湯俾低能仔飲，呢段日子佢好忙，連瞓嘅時間都唔夠，抵抗力亦差咗，見到佢咁我又乜都做唔到，唯一可以嘅只係煲嘢佢飲，我只想你身体健康。。。
今晚我哋約咗響銅鑼灣食飯，佢帶咗我去麻布茶房到食我哋嘅18個月晚餐，有你同我渡過嘅每一日，我食乜都冇所謂，因為嗰啲對我嚟講只係配菜，而你先係我嘅主菜。。。我陣係想你同我過以後嘅每一日，我陣係想等到你會娶我嘅一日！食完嘢我哋返咗屋企二人世界，個傻佬仲未好番，我返到去就沖咗杯感冒熱飲俾佢，根住就攬住我瞓咗一陣，有佢攬住我瞓，縱使生活再平凡，我都已經覺得心滿意足！低能仔，我哋能夠一生一世嗎？我好想好想一生一世都跟住你，唔想到最後要送“下次下次”俾你！
分類: 我們的生活點滴 |
