今日又係超忙嘅一日，完全冇抖過，体力已經完全透支，散晒。。。。
今晚收工低能仔響188等我，因為有人約咗佢二奶行街 所以我要自己收工行過去揾佢，輸俾個男人真係唔抵呀，哈哈。。。過到188見到低能仔同佢二奶一齊，佢當住佢二奶面前叫我“低能妹”，其實都覺得 sweet，不過唔知嘅話，一定以為我真係低能囉
佢二奶走咗之後，佢即刻攬住我，錫得好用力，仲同我講佢好掛住我 其實我今日都好掛住你，每當我覺得攰，覺得唔舒服，我就會諗住你，根住就有心機繼續返工，因為放工之後，就係我哋 honeymoon嘅時候！
食完飯行埋759，我哋就搭車返去！響車嘅時候，我攬住佢瞓咗一陣，好舒服。。。返到屋企就幫佢鍊咗一陣，病咗咁耐嘅佢，一定周身骨痛，我想佢舒服啲，我想佢可以 relax，所以就算我真係好攰，我都要幫佢鍊！
佢話我係一個好好嘅女朋友，其實我唔係架！我都有好多缺點，只係低能仔逼於無奈咁接受。依家我所做嘅一切，陣係希望將最好都俾晒佢，我唔會計較邊個付出多啲嗰啲人，我只希望盡我能力去對佢好，毫無保留咁愛佢，我唔想有遺憾。。。縱使將來佢唔再愛我都好，起碼我對佢都唔會於心有愧！
低能仔，你每次用“老婆”嚟形容我時，我都會覺得好窩心，或者因為我一早已經視你為我要揾嘅人！不過你日記叫我估吓你會唔會娶我時，我其實冇乜信心，我怕我做得唔夠好，又或者有人俾我做得更好，就係因為我冇自信，所以有時我會好想你響 Facebook有啲關於我嘅嘢，我好想其他人知我係你女朋友，我怕有一日你會俾人搶走，係咪好傻呀？
講個秘密你知吖，其實我一直都有妒忌“她”同你有咁多共同朋友架 Anyway Love you so much....
分類: 我們的生活點滴 |
