今日好忙好攰。。。但忙得開心，攰得值得！今朝9點幾俾爸爸叫醒咗去食嘢，食完之後就買埋嘢返屋企，開始今日嘅要做嘅嘢！
諗咗好耐，今日究竟整曲奇好？定朱古力鬆餅俾低能仔好呢？最後因為時間關係，我決定整朱古力鬆餅同牛奶布甸。。。搞掂晒啲嘢後，我就買埋嘢飲返低能仔屋開始執屋！
搞掂啲嘢都已經6點，今晚要返阿麻到食飯，食完飯就拿拿臨返屋企煮飯俾低能仔，其實佢唔想我煮，因為佢唔想我辛苦，仲話如果我煮飯嘅話，就要扣我一個乜都得。。。扣一個乜都得都值得，我想佢食得健康！但我好怕因為我今日太攰，同唔舒服覺得冇乜味覺，會整到啲嘢飯盒同甜品唔好味
低能仔放工返嚟食完飯、飲埋湯仲食埋嗰三個鬆餅，勁呀！！！幫佢鍊咗一陣，我攰得滯瞓著咗。。。不過瞓醒咗嘅時候，張床得我一個，而佢就響梳化瞓著咗，嗰刻我有啲唔開心，點解佢寧願瞓梳化都唔上床瞓？？見佢瞓著咗，我諗住靜靜哋咁走，但點知佢醒咗。。。點解今晚我覺得你好似唔想見到我咁？
分類: 我們的生活點滴 |
