尋晚好早就瞓咗，我連自己幾點瞓其實都唔知，只係知道好攰、好唔舒服。。。。5點幾扎醒咗見到低能仔揾過我，矇矇矓矓覆完佢又繼續瞓！
今朝如常諗住起身返工，但真係好唔舒服，兼且真係頂唔順，我最終都請假。。。不過瞓到咁上下電話又響，原來揾唔到人返工，要我下晝返去>.<"返到鋪頭依然覺得好辛苦同好痛，仲嘔咗幾次。。。嘔到冇晒力！呢一刻我好想見到低能仔，好想嗲吓佢，兼且好想收工返去抖，不過根本就冇可能！！！
今晚真係頂唔順，早咗一個鐘走。。。低能仔收工就嚟咗接我，食完飯就搭車返去！不過我真係好痛兼且又想嘔，最後我頭 dup dup咁返去，因為我開始覺得個頭好重。。。
返到屋企我痛到忍唔住又嘔，我辛苦到想喊，好想你響我身邊照顧我、氹我、攬住我瞓。。。
分類: 我們的生活點滴 |
