今朝一醒咗就見到低能仔 whatsapp，好冧、好耐都冇試過喇！
尋晚我估低能仔食咗藥後，會一覺瞓到大天光，點知個傻佬12點幾醒咗揾我，佢話佢好番好多，因為多得我照顧！但我始終都覺得我應份照顧佢，作為一個女朋友，身邊嗰個病咗當然希望佢快啲好番，買嘢食、買藥甚至買退熱貼都只係好普通嘅事，係人都會做！當我病咗時，你咪又係買藥嚟鋪頭俾我，傻豬！坦白講你知，我唔係一個滿分嘅女朋友，我只係想盡我能力去對你好、照顧你咋！我唔知你之前嗰啲會唔會咁對你？但我真係真心想你好！真心咁想同你一生一世。。。。
今日成日都好忙、好攰！仲要不停咁打乞嗤同流鼻水，個人仲有啲暈暈哋，我諗傷風又嚟探我喇！今年嘅傷風次數，比上年多咗好多。。。。好想喊，我討厭傷風！！！好想快啲收工見到佢呀。。。
低能仔今日好番好多，佢話佢可以返下畫。。。知道佢精神番，我就安心晒！所以我都唔逼佢響屋企休息，由得佢返工，最緊要佢唔好勉強就得喇！個傻佬終於都知我會擔心佢，今日佢出去時 whatsapp話我知，低能仔，收到你 whatsapp嗰一刻，我真係覺得好warm.... Thanks so much<3
低能仔嚟咗接我收工，我哋食完飯去咗 city super行咗一陣，今晚嘅佢雖然都攰，但我哋都好開心！行完就一齊返咗屋企，幫佢鍊咗一陣，睇埋佢飲埋感冒茶同開爐，佢就攬住我陪我響張床到傾計，個傻佬仲諗埋16号同20号帶我去邊，好幸福呀！低能仔，呢兩日行程嘅大前提，係唔要令你太攰，因為你係我嘅一切。。。
分類: 我們的生活點滴 |
