今朝好凍呀！唔想起身。。。而且仲要比平時早咗起身，因為要餵藥比豬豬食，幸好今朝個衰妹肯乖乖哋食藥咋，同埋今朝對腳好似有力返啲！
搭車返工時，我變咗阿豬。。。不停震、震、震。。。好凍呀！如果有低能仔響到就好喇！因為我凍嘅時候，佢就會攬住我，唔俾我咁凍。。。佢之前成日都話要買個暖手蛋俾我，等我冇佢響身邊時都唔會覺得凍！但冇佢響我身邊，我唔會覺得暖架！
佢今日休息，真係好！咁凍唔使返工，就唔使怕佢會冷親。。。個傻佬今日終於都瞓到好晏，我即時安心晒，因為休息夠就自然身体好！佢醒咗之後，就 whatsapp我同我講今晚出嚟接我，好 sweet！
今晚有人遲咗少少嚟，不過見到佢我忍唔住傻笑，好開心！我哋今晚返咗灣仔食飯，仲行咗一陣添。。。而且有人仲錫我塊面，錫咗好多好多吓！低能仔，多謝你將所有我想要嘅都俾晒我，我真係覺得好滾動，為咗你放棄身邊作何一個可以比到我好生活嘅人，我都覺得值得！因為你係最適合我。。。
返到屋企個傻佬同我講，佢下個月連續拎咗3日假係用嚟陪我，我真係唔敢相信，佢話要帶我去公園玩呀！我好期待快啲到嗰日，希望到時 Auntie仲未返到啦。。。咁就可以二人世界喇！低能仔，我愛你。。。
分類: 我們的生活點滴 |
