又到聖誕。。。又到聖誕。。。今日係聖誕節，我同低能仔都要返工！有人話今晚收工嚟接我，真係好！
尋晚我放咗張我同低能仔嘅相上 Facebook，我好想佢啲朋友個個知我係佢女朋友之餘，我都好想我身邊嘅人，都知佢係我男朋友！低能仔終於都曝光喇，哈哈。。。。唔知你鍾唔鍾意咁呢？？
今朝返灣仔前要過希雲街拎嘢，我專登早啲返去，咁樣就見唔到 Jason，不過響我要拎走嗰袋貨裡面，原來已經有份禮物響到！我返到灣仔後，就收到佢 whatsapp，望住份禮物，我有啲唔知點咁，我唔知點解唔夠膽即時同低能仔講，同時亦不其然響個心到諗，你可唔可以唔好掉低我？唔好將我送俾第二個？
今晚低能仔嚟接我收工，我知道有啲嘢我冇可能唔講，所以我將份禮物交咗俾佢，佢睇完就叫我將份禮物掉咗去，而且仲要我俾個電話佢，不過我冇俾個電話佢，陣係將份禮物掉咗。。。。
今晚我哋去咗食新森林，我好鍾意佢餵我食嘢，佢仲好細心咁幫我切嘢添。。。低能仔，你講得冇錯“有你就乜都好食！”食完嘢行埋759，就俾人捉咗我去飲感冒茶，好苦呀😭搭車返去時，我又講錯嘢，不過佢冇發憫憎，只係好平心靜氣同我講，其實我今晚已經好努力咁去改，唔想再好似之前咁，但都係失敗咗。。。原來遷就真係唔係一件容易嘅事，睇嚟要再努力啲！
Ps 希望你鍾意我今晚為你預備嘅蛋糕！
分類: 我們的生活點滴 |
