今日應該係我嘅黑色星期六，發生咗好多好多事。。。。我好攰，撐唔住喇！
今日返工我同佢哋嘈過。。。明明責任唔響我到，但就推晒俾我，或者我同呢到真係8字唔夾！因為呢件事，我今日心情跌到落谷底。。。
收工嘅時候，低能仔嚟咗接我。。。食完飯我哋返咗去！今晚睇睇吓佢本嘢，我心血來潮問佢拎條鎖匙，點知得返個扣，呢一刻我真係唔知點咁，我將前幾晚開始收埋嘅眼淚，一次過爆晒出嚟！呢一刻我真係覺得好灰，我冇諗過自己居然做得出將另一半掉落垃圾筒，我亦冇諗過我會問佢覺唔覺自己過份？？之前，我一直都響到諗，佢可唔可以唔好掉低我？可唔可以唔好親手將我送俾其他人？我真係好怕佢忽冷忽熱會令我走，我好怕其他人俾佢更緊張我。。。我真係好怕！
今晚響佢到走，咁啱 Jason打嚟，俾佢聽到我喊！佢話佢即刻過嚟揾我，佢問我點解唔學吓放手？點解唔錫身己多一啲？佢仲話佢會繼續做我嘅後備。。。但呢一刻我最想知，其實低能仔有幾愛我？有冇諗過再係咁佢真係會親手將我送俾人？！
分類: 我們的生活點滴 |
