尋晚成晚都俾低能仔攬住瞓，今日佢要返工，而我就留響屋企等佢，兼且執埋屋！今朝佢錫咗我一啖就出去返工，佢走咗之後，我就起身落街買嘢，就開始今日嘅工作。。。估唔到今日由11點開始，一整就整到8點！今日個傻佬揾多咗我，你知嘛，幫你執屋我唔辛苦，亦唔攰。。。我希望你舒舒服服！
個傻佬臨收工就 whatsapp我，知我未整完嘢，就買外賣返嚟俾我，好冧。。。我好享受呢種簡單嘅生活，我亦好在乎呢小小嘅幸福，我知道幸福唔係一伸手就可以捉緊，但我好想一直咁擁有呢種屬於我倆小小嘅幸福！
今晚佢買麥記返嚟俾我，仲換咗隻我至愛嘅kitty 俾我，雖然呢份小禮物唔係乜嘢名貴嘅嘢，但我好鍾意，我亦當係一種獎勵！兩個人一齊響屋企食嘢，種感覺好温馨，有人一路食，一路陪我睇劇。。。多謝你呀！
低能仔，希望今次你媽咪返嚟，唔會再話你間屋污糟啦！我為你做的只有咁多，假如將來我唔響你身邊，你一定要揾一個願意為你執屋嘅人，知嘛？咁你就可以無後之憂咁去做你想做嘅嘢。。。
分類: 我們的生活點滴 |
