返咗兩日 FM，我開始有另一種体會。。。無可否認我唔係太鍾意呢間鋪，或者係因為人嘅問題。。。我鍾意安安靜靜咁一個人做嘢！
今日兩點幾先食飯，竟然有個意想不到嘅驚喜。。。低能仔響付近，仲同我一齊食嘢添！我哋響新森林食 tea，有佢嘅 Lunch特別好食。。。佢話我每次嗌嘢食都會嗌啲佢鍾意嘅嘢，問我究竟有啲乜嘢鍾意？坦白講自從同佢拍拖後，我食嘅嘢真係唔同咗，我依家會樣樣以佢為先，我食親嘅嘢都係佢鍾意食，咁樣就肯定佢會食得飽，至於我其實都冇所謂，佢開心我就開心！我想一世都咁樣遷就佢。。。
食嘢嘅時候，講起結婚呢個話題！我好開心佢諗嘅將來裡面有我。。。而我諗嘅將來，當然都有佢嘅存在！以前我一直好想擁有一個好浪漫嘅婚禮，但依家我覺得只要可以同佢一齊，就算簡簡單單旅行結婚，我都覺得好幸福！只要我婚紗相嘅男主角唔係其他人，我已經覺得好幸福。。。
今晚低能仔嚟咗接我收工，佢同我去食吉野家打邊爐！佢比起初初識佢，對我真係細心咗好多，依家嘅佢成熟咗，我覺得真係可以依靠佢一生一世。。。
分類: 我們的生活點滴 |
