今朝起身見唔到低能仔 whatsapp，覺得有啲失落。。。整完指甲就去咗買餸今晚煮飯，今晚整“台灣香腸、芝士白汁焗雜菜同紅酒燴安格斯牛柳”。。。
今晚煮完飯，隻手又腫番。。。搞到低能仔唔俾我聽晚再煮飯！其實我真係好鍾意煮飯俾佢，因為每次見佢食嘢個樣，就算再攰都覺得值得！你知嘛。。。每次諗要煮咩菜氹你乖乖哋食，雖然會諗到頭到大埋，但煮咗出嚟，而你又鍾意，我真係覺得好滿足，兼且好想一世咁煮落去俾你！為你學識煮飯，係我最自豪嘅事！
今晚佢剪完髮就返咗嚟，佢食完飯就攬住我一齊上網，雖然簡單，但好幸福，如果以後一直都可以咁樣生活就好喇！好想將來嘅屋企唔使好大，周圍都用低能仔、低能妹做裝飾，就連牀單被鋪都係低能仔！最緊要個廚房夠大，仲要有個焗爐，咁就可以煮好多好多嘅嘢俾低能仔食喇。。。。我夢想中嘅家一定要有你！
分類: 我們的生活點滴 |
