距離返工嘅日子仲有5日，好唔捨得呢個假期。。。雖然之後嘅日子同低能仔應該會各有各忙，但幸好呢個長假期都煮過唔少未試過嘅嘢俾佢食！
今晚約咗低能仔響 CB，等佢嘅時候，我去咗金佰利。。。終於揾到我想要嘅嘢，但可惜個黑色圈冇水晶，所以我選擇咗另一個款！今晚我留意咗好耐，佢頸嗰條鍊冇咗，原來今朝斷咗。。。或者真係天意，哈哈！佢睇到之後，佢話我終於都揀咗啲靚嘅嘢喇😭最後佢幫我帶我嗰條，而我就幫佢帶佢嗰條，希望永遠都一雙一對！
今晚我哋食完飯，就過咗天后！但揾唔到低能仔想揾嗰間鋪。。。突然佢婆婆打嚟，話佢成日都揾唔到佢媽咪，低能仔打番去電話又冇開，我哋決定食埋糖水早啲返去！其實低能仔話唔使架。。。但我發現自己已經開始 care埋佢媽咪喇！買埋糖水俾佢媽咪，我哋就返去。。。我寧願低能仔陪我少啲，都唔希望佢有事！
分類: 我們的生活點滴 |
