今日返寫字樓，好唔想。。。真係好唔想！以前如果知道可以返寫字樓，我一定會好開心、好期待∼因為可以見到 Elmas，但今日我冇呢種感覺，只係好想安安靜靜咁自己一個返 CB。。。我諗我真係要更認真咁諗吓自己嘅將來！
尋晚低能仔同我講情人節要返半日工，嗰一刻好 down，因為我覺得情人節係屬於我哋兩個人嘅日子，但最後都係要分一半俾 sony，好似每一次都係咁，加上我一直都好認同，今個情人節慶祝唔到，唔代表明年一樣可以慶祝，始終有啲嘢大家控制唔到，所以我好重視同好珍惜同佢嘅每一日∼不過既然佢決定咗，我一樣會十卜佢！始終我唔可以再好似以前咁，再好似以前咁發佢皮氣嘅話，我哋嘅感情一定會差落去，我諗我係時候要學識對佢善解人意，我只係想我所做嘅一切都可以維繫到呢段感情！雖然佢情人節有半日陪唔到我，但都有個 surprise，有人尋晚打嚟氹我∼好耐好耐冇試過！你記得嗰日要俾個浪漫嘅情人節我，等我可以一世都記得，你嗰日要請我食麥記，買十個漢堡包砌個心型俾我呀！然後你自己食晒去，而我就食麥樂雞，哈哈。。。
低能仔，你尋晚話我揾少咗你，笑得少咗。。。其實唔係架！我每日都好掛住你，你嘅大少事我都一樣記得好清楚，你需要嘅嘢，我每一樣都冇忘記過，我依然係想你生活響無後顧之憂咁返學、返工！只係有啲嘢已經平衡唔到喇∼
枕邊的一個熟人
見最多 眉目近 時日叫 輪廓失真
想到邂逅和她單一眼
就算今日回想也動人
慣了幸運 慣了同行
慣了浪漫卻生疏似遠親
何解 何解初初都是漂亮
何解初初雙眼善良
歲月太長
會令你忘記了伴侶差一句讚賞
如果 如果今天關係變樣
如果今天起了石牆
過份正常
會令愛情缺氧未會珍惜那會著想
想當初心跳面紅
告訴她 無懼怕 其實你 還記得嗎
恐怕這日和她親一下
直接表達情感怕肉麻
試過患難 掃去雲霞
那怕冒昧說一聲最愛她
以往你輕輕一眼偷看她也緊張
以往就算未說話已經戀上
要是不消失何來記得 太吝嗇一句褒獎
如果 如果今天一樣漂亮
如果今天一貫善良
抱住愛人
細味那年碰上地厚天高說理想
還好 還可珍惜身伴對象
還可修葺戀愛牧場
記住那年
偶遇眼前愛侶令你朝思叫你暮想
分類: 我們的生活點滴 |
