年初五開工日，今日返銅鑼灣，一早就同爸爸食完早餐先開工！唔知係咪因為四周圍都仲有好多鋪頭未開，所以今日好靜！悶到有啲呆呆哋。。。
呢幾日低能仔都經常拎住個電話，之前我哋好多次都因為咁而搞到唔開心，但唔知點解今次我冇發皮氣，亦冇嬲。。。只係對佢有啲失望！我好驚真係好驚∼我驚係我變咗，由失望變得冇咁愛佢！今日我好坦白咁同低能仔講，我好想佢知我諗乜∼好想佢知其實我驚！
今晚收工我哋去咗食飯，我叫定嘢食等佢嚟！有人見我係咁咳，就去買藥俾我食。。。有人見我唔出聲，就不停氹我。。。有人更知自己最近忽略我，今晚就唔玩電話∼低能仔，其實我真係想響屬於我嘅時間裡面，冇其他嘢騷擾到我哋！你知唔知呢排我哋真係少嘢講咗好多，你攬少咗我好多，每次見到咁，我已經唔願講嘢，我覺得自己都係多餘，唔知你有冇發現呢排每逢食完飯，我都會叫返屋企，其實因為我已經唔想行落去，好似得自己一個行街食飯咁！
分類: 我們的生活點滴 |
