尋日個頭痛足一日，好辛苦∼食埋止痛藥都冇用。。。收工買咗外賣返去俾低能仔，佢攬住我陪我睇咗一陣電視，我就頂唔順返咗去，一返屋企就即瞓，瞓到12點幾先起身沖涼，尋晚辛苦到打電話俾佢嗲佢，有人氹我真係好！
今朝個傻佬叫我返工前開信箱，原來有人放咗盒止痛藥響到。。。第一次咁細心！起初仲以為係情信添，哈哈∼因為我真係好鍾意佢做啲 diy嘅嘢，用心思去做一樣嘢，俾起用錢去買嘢氹我開心，呢份心意嚟得更浪漫！
今日成日只係食過兩啖意粉，其他乜都食唔落。。。陣係覺得好攰好攰同好想嘔！收工時低能仔嚟咗接我，有人見我唔舒服，話等佢照顧我。。。正傻佬！今晚我依然冇乜胃口，陣係飲咗碗羅餸湯，好辛苦∼成個人散晒喇！食完嘢之後，差唔多做屎眼，我知佢想睇，但為咗陪我佢竟然冇睇，我已經覺得好開心，不過我叫佢開嚟睇，我都想佢覺得開心嘛！搭車返去前，有人話我係佢未婚妻，低能仔，我真係好想好想係架！雖然響車我又攰到攬住佢瞓咗，但攬住佢瞓永遠係最舒服嘅時候∼
分類: 我們的生活點滴 |
