聽日終於都可以抖吓喇！呢兩日都冇胃口食嘢，依然都係好想嘔，周身好痛，個頭仍然好痛。。。

 

好唔容易先等到收工，但等咗好耐都見唔到佢。。。到我拉完閘擰轉面就見到佢拎住杯雞蛋仔雪糕，原來有人知我想食，就去買俾我，但我寧願早啲見到佢∼都唔想佢跑去買咁辛苦！

 

原本聽日有人陪我去抽血，但最後要返去搞埋份 project，我見我又唔舒服，所以諗住改日子，不過，26号佢要比賽，2号又要影相∼根本就冇時間！換轉以前，我一定喊咗出嚟，因為我要等好耐先可以同佢一齊放假，要等好耐先可以對足佢一日！

 

我好想同佢一齊放假，不過最近佢真係好忙，佢講得啱，佢每晚都陪住我，有時間佢想做啲自己想做嘅嘢，但我發現我已經依靠咗佢，我根本冇嘢可以做∼放假唔係煮飯、執屋就整甜品俾佢，我唔知我有乜可以做？我又有乜係想做？？我根本就冇咗自己！！！