我們的22個月
尋晚失眠呀。。。成晚都覺得個身熱到瞓唔到，今日個頭又痛番∼
今日臨過低能仔屋企執屋前，去咗買咗啲佢想試好耐嘅嘢俾佢，我諗住同佢玩個尋寶遊戲，嘻嘻。。。話晒都拍咗拖22個月，應該要有番啲新意！唔知啲人會唔會咁醒揾得到呢？唔知又會唔會真係有心靈相通呢？
呢排精神一直唔係咁好，個人好攰。。。每次抹完地都散晒！今次我買咗個地拖上去，起碼唔使蹲響到抹搞到咁攰，希望咁樣會好啲啦！搞掂晒低能仔屋企之後，我就搭車出旺角等佢，響車一坐低時，真真正正 feel到攰喇！不過為咗佢乜都唔緊要，陣係好想好想見到佢，同埋攬住佢！
不知不覺我哋拍咗拖22個月，呢22個月我哋發生好多嘢，由相識到相戀，我哋有猜疑、有唔信任、有笑、有眼淚、有掛住、由愛到感覺累。。。好唔容易走到今日你會好有信心咁俾條鎖匙我返屋企！雖然“天長地久”呢四個字好容易寫，但要真正咁行到嗰一步真係好難，要依靠好多好多嘅愛同包容，其實一直以嚟，我都唔係對你冇信心，只係我唔夠膽相信我能夠咁幸福可以擁有“天長地久”∼期待一直與你走下去！
分類: 我們的生活點滴 |
