去台灣嘅嘢，已經預備得7788喇！我已經覺得好期待，或者因為上一年有個遺憾，我同佢唔係拍拖一週年去，幸好今次趕得切拍拖兩週年去！希望以後每一年週年紀念都可以一齊響第二到渡過，不論遠或近，我都希望有你響到！
或者你會間點解我堅持要去北投？！仲要睇咁多間酒店？你知嘛。。。我真係好想同你試多啲嘢，我希望我哋嘅甜蜜之旅2係有個難忘嘅回憶！西門町酒店我可以跟 package，但温泉酒店，我真係想認真選擇一間你會覺得舒服嘅地方，咁先可以做到甜蜜之旅吖嘛！我同你一樣，想將最好的都留俾對方∼
今晚收工佢嚟咗接我，仲同我食我最愛嘅打邊爐！雖然個個都話吉野家嘅打邊爐唔好食，但我偏偏好鍾意。。。我唔使要好靚嘅肥牛，好新鮮嘅海鮮，我只要同佢一齊，我就覺得我食嘅嘢係最好味！食完嘢，有人諗住帶我買雞蛋仔雪糕，但我話唔買。。。因為我想慳多啲錢去台北食餐勁！低能仔，真係有你就乜都得，愛你！
分類: 我們的生活點滴 |
