今日一起身，成身都冇力，仲要好攰好攰！死撐到返公司，成個人散晒∼我未試過攰到要低能仔帶我去按摩！一來我真係攰，二來我都想佢去按摩吓，因為我最近攰到冇力幫佢按摩，只有咁樣，佢先會肯去俾人按！

今日公司發生咗好多嘢，煩到我都覺得憫憫哋！我陣係覺得難得我同阿容有番嘢講，可以相處得到，唔希望有啲乜嘢再發生。。。但點解呢個難得嘅平靜，都要咁快完結？算啦。。。唔再諗咁多！

今晚低能仔嚟咗接我，有佢真係好！因為佢真係好似個按摩師所講好錫我∼自從尋晚佢話要我等佢兩年，今日成日我都好開心∼我好想呢兩年快啲過，縱使我已經當咗佢係我老公都好，但我都好想佢由男朋友變為我老公豬！可以每日都照顧佢、為佢煮飯、為佢做家務，甚至每晚都攬住佢瞓，我真係好想好想∼低能仔，你係第一個，我相信亦係唯一一個！因為我要好似方麗娟咁，心口掛住個勇字，無條件咁去為我愛嘅人付出一生，你有心理準備未呢？