今朝好早要起身，要去灣仔擺低啲貨，然後再去睇醫生∼個人好攰好攰呀！
今日返工都算 Ok，起初諗住避咗阿容，所以我專登早啲拎嘢過去，咁就可以見唔到佢，點知佢打俾我，叫我睇完醫生返過去，佢同我傾咗陣計，點都好啦。。。總之依家嘅我乜都唔理，做好呢幾個月就算！
今晚低能仔冇嚟接我，我過咗香港仔揾佢食飯，原來佢逢星期二都係放12：30，但我乜都唔知。。。嗰刻有啲唔開心，點解我呢個女朋友乜都唔知？！佢去邊我又唔知？佢約咗邊個我又唔知？其實佢有冇諗過我乜都唔知嘅情況下，我有幾冇安全感？
分類: 我們的生活點滴 |
