今日低能仔放假，原本佢要去影相，但最後取消咗，咁佢就可以瞓吓。。。休息夠先去比賽喇！
今日返工依然好忙，食咗啲藥個人好攰∼個背脊依然好痛，坐又唔係，企又唔係，唔知想點咁！7點幾嘅時候，有人 send咗佢比賽段片俾我睇，因為佢話呢首歌係送我，我當然好鍾意。。。不過我最想係可以響現場聽佢唱，幫佢拍嗰個係我！
收工後過咗旺角揾低能仔，一見到佢我就攬實佢，我真係好掛住佢呀！今晚我哋食撈麵，好好味呀。。。不過我都係食得好少咋！食完飯去搭車時落好大雨，淋到濕咗，有人好細心咁幫我抹，呢一刻我諗起剛拍拖時，有一晚我哋響 tst行街，我熱到出晒汗，佢怕我入冷氣地方會冷親，所以好細心咁幫我抹，今次同之前都一樣，我覺得好 sweet同好幸福！
搭車返到去，依然落好大雨，個傻佬好傻呀！用佢件外套遮住我行，我好感動呀。。。傻佬，我好開心你咁緊張我，有你我真係好幸福，我希望你永遠都係我老公豬！
分類: 我們的生活點滴 |
