終於都到星期六喇！返埋今日可以抖一抖。。。
今晚低能仔話想去188行街，我諗住收工嘅時候，先行過去揾佢。。。點知當我拉側門度閘時，原來佢喱咗入鋪頭，到我行入番去時，佢突然大叫嚇我∼嚇屎我呀！雖然俾佢嚇親，但我一樣覺得開心，因為以前佢唔會特登行番轉頭接我，通常都係我行過去揾佢，所以今晚我覺得真係好幸福！
食完嘢搭車返去時，佢俾咗首“差半步”我聽，攬住佢聽住呢首歌，我響到諗其實當佢唱嘅時候諗緊啲乜呢？而當我聽嘅時候，我諗起好多好多同佢一齊嘅一點一滴，可能因為攬住佢嘅關係，所以感覺好似特別大！我只想“熊貓”同“差半步”呢兩首歌，永遠都只係屬於我一個，唔想佢會送俾另一個！
當天我 並沒信心
誰信有可能 遇上他人
當你在 才讓殘存自卑變做勇敢
不怕讓愛走得這麼近
差半步我要孤身走進荒蕪
才偶遇你 停在彩色的峽谷
像風吹起 叫我哭泣使我感動
令我又再放鬆 再度期待抱擁
一點哄動 劃破黑色的晚空
讓我安心去目送
遺憾中每段起伏
在新一天 愛上今天的美好
共你應該會做到 求能讓愛好好繼續
分類: 我們的生活點滴 |
