今日星期日係休息日，我冇同爸爸去食嘢，響屋企繼續瞓，或者因為之前病得太勁、食咗太耐抗生素，所以到咗今日依然好攰。。。家姐買定壽司俾我瞓醒食，真係好∼我想食好耐架喇！
瞓醒之後，就要幫家姐砌模型，一砌就砌到成5點，跟住就煮定今晚嘅晚餐俾低能仔，雖然時間比較趕，但我依然堅持煮俾佢，因為我享受為佢煮晚餐嘅時候，始終每星期得一次煮嘢俾佢食，我都好想無論幾攰都堅持每星期一次！
今晚同阿麻佢哋響香港仔食生日飯，我帶埋低能仔啲晚餐出去，咁低能仔收工返嚟就唔使等咁耐。。。9點幾返到低能仔到，佢食完飯就攬住我響到瞓咗一陣，可以一張開眼就見到佢，係我最開心嘅時候，雖然佢陪我瞓嘅時候，係拎住電話玩，但我都已經好滿足，有佢響度陪我瞓，我真係覺得好 warm∼我真係好期待去台北攬住佢瞓嗰5日4夜！
低能仔，你今晚做功課要加油呀！
分類: 我們的生活點滴 |
