尋晚以為見唔到低能仔，點知有人叫我返到嚟打電話俾佢，原來有個傻佬落咗等我，雖然只係見咗5分鐘，但我已經覺得好冧喇！
今朝睇完醫生食咗藥好眼瞓，兼且今日返 FM，我就覺得更辛苦，晏晝食飯都陣係食咗少少∼好唔容易先等到低能仔嚟接我收工，有人又為咗我，買咗啲好貴嘅嘢俾我，個傻佬話要將最好嘅嘢俾我，聽到真係好感動，但其實最好嘅我已經擁有∼嗰個就係“佢”……
今晚我哋食完飯就返去，可以攬實佢，我覺得感覺好實在，簡簡單單已經好足夠！響車嘅時候，我特登唔挨住佢瞓，我怕佢會攰。。。但佢見到我咁眼瞓，將我個頭放落佢膊頭到，嗰一刻我覺得好內疚又好温暖。。。
低能仔，今晚你嚟接我，知道盤花係人哋送俾我，你嗰個樣令我覺得自己有啲變態，因為我好享受你咁緊張我，但我想話你知，除咗你送嘅花我會收之外，其他男人送嘅花，我係唔會咁開心同收架！因為佢哋唔係“你”♡
分類: 我們的生活點滴 |
