今日9點幾就起身喇！今日好忙。。。因為我有啲嘢好想揾∼
同爸爸食完早餐，家姐陪我響香港仔四圍行，揾皮帶、買餸、買感冒茶，仲有買牛奶卷。。。但可惜皮帶揾唔到，兼且牛奶卷要等一個鐘先有，可憐嘅家姐陪我等牛奶卷，其實我堅持要等，係因為早幾日有人話想食∼等緊牛奶卷時見到有包薯片好吸引，係 KFC嘅雞味薯片，因為有人好鍾意食 KFC，所以我估佢應該都會鍾意∼
買晒嘢就嗱嗱臨返屋企整好啲餸，然後就再出銅鑼灣，本來諗住買部機俾低能仔，但揾晒成個銅鑼灣都冇一部行貨，好失望呀！不過幸好揾到低能仔嗰條皮帶，同埋買到濕紙巾，起碼冇咁 down先！
搞掂晒啲嘢已經好攰，跟住就趕返阿麻到食飯，然後就返屋企煮飯俾低能仔食！今晚臨過低能仔到，爸爸問我係咪搬屋？做乜搬咁多嘢走，哈哈。。。返到去幫佢開埋飯整埋啲嘢，就係我哋 sweet sweet時間開始，今晚有人對我好温柔，而且仲攬咗我成晚添！低能仔，我好享受為你做完嘢，有你返嚟攬實我、陪我傾計∼你成日怕我攰唔想我煮飯，但我真係好想做一個好女朋友，做一個可以照顧得你好好嘅女朋友，依家為你做嘅一切，我覺得好開心，所以你由得我，好嗎？！
分類: 我們的生活點滴 |
