今日返銅鑼灣又係執到隻狗咁，雖然好攰，但有個好大好大嘅驚喜。。。
今日低能仔唔使返工、返學，但就話要返學校整嘢，點幾嘅時候，我以為佢已經返咗去，點知突然電話響，佢問我今日下晝食乜？同埋話好掛住我！佢仲話佢就快返到學校，所以我都不以為然！佢未試過真係未試過會打嚟講呢啲架∼隔咗一陣有人推門入嚟，嗰個係低能仔！見到佢我係好開心架……我冇諗過佢響到出現，今日有人響鋪頭陪咗我一陣，我好似將好多想講嘅嘢都講晒出嚟，就好似我好想佢陪我，我真係好想∼
由佢忙住做 project開始，我哋都冇乜真係一齊放假，每次我放假唔係執屋就煮飯，所以我發佢悔氣講話，就算賓妹都有假放！其實我想要嘅假期就係有佢∼
今晚佢要去飲，而我收工就自己食飯同行一陣！有人今晚10點幾 whatsapp check我睇我返咗屋企未？收到嗰一刻我響到傻笑∼我鍾意佢咁樣，我鍾意佢緊張我！另一樣開心係佢今晚返到屋企就話我知，我覺得開心係因為佢重視我，會話我知佢去咗邊同返咗屋企，等我可以安心啲！BB 我鍾意呢個你，亦都好似你今日同我講嘅咁：“我最愛呢個你”
分類: 我們的生活點滴 |
