眨吓眼今日已經係第二日，今朝瞓到十一點幾先醒，好開心一瞓醒見到�H就係低能仔！
今日好感恩，成日都冇乜落過雨，我哋行咗好多地方，食咗好多好多嘢，我諗返香港一定肥幾磅呀！一早食完阿宗麵線，就去忠孝敦化食咖啡弄，然後再去台北車站食意粉，夜晚再返去西門町食田季發爺，有佢響隔離我食嘢都食多咗！
今日成日雖然行咗好多路，個人好攰∼但真係好開心！有人同我去夾公仔，就算明知啲機係呃人，但都同我去玩。。。點知又有人俾佢用個夾公仔個夾，撞“林”咗公仔機個架，就係咁俾佢撞跌咗個公仔落嚟，笑屎我呀！我諗嗰到啲店員見到一定0晒咀啫，哈哈∼
低能仔，同你去旅行我好開心，可以乜都唔諗咁過，係我最舒服�H時候，每逢去到邊你都會拖實我、攬實我，種感覺響香港係冇架！我真係好想同你一直咁落去∼原來一路行街一路影相，甚至一齊自拍係咁開心架！低能仔，我愛你！
期待聽日同你浸温泉，希望聽日都好似今日咁冇雨落啦！咁我哋就可以舒舒服服咁四圍玩∼
分類: 我們的兩週年甜蜜之旅... |
