今日係響台北�H最後一晚，好唔捨得∼唔捨得可以日對夜對，突然響到諗其實佢對足我五日五夜，又有冇覺得煩同厭呢？因為曾經上網見人話過，旅行會令到一對情侶鬧交同厭。。。
今朝臨響温泉酒店 check out 前，我哋浸多次温泉先走，要離開嗰間酒店真係好唔捨得，嗰到真係好舒服，兼且浸温泉真係好 relax ∼下次如果要浸温泉，一定唔可以浸一晚咁少呀！！
今日我哋返番台北車站行街同食嘢，不過可惜今日落雨，所以唔係有好多時間響室外，搞到好似可以去�H地方好少！但可以同佢去夾公仔，我真係覺得好開心，因為有人夾公仔夾到上晒身，夾咗好多公仔俾我，見到得意就夾俾我。。。正傻佬∼佢夾公仔又真係有小聰明�H！
夜晚我哋去咗101，原來一直都冇買嘢俾浠豬，上年我同低能仔都買咗好多嘢俾佢，但今年陣係買俾阿b。。。今晚終於都響 page one買咗份嘢俾浠豬，有低能仔同我一齊揀真温馨∼
聽日就係最後一日喇！希望唔好落雨，等我哋可以舒舒服服咁玩多一日啦！
分類: 我們的兩週年甜蜜之旅... |
