唉。。。六合彩只係中咗兩個字，即係聽日又要返去嗰個鬼地方∼一諗到咁，真係好想喊呀！
今日瞓到成十二點先起身，好耐都冇試過可以咁好瞓。。。如果唔係俾公司嘈醒，我諗我應該可以再瞓耐啲！
低能仔下晝一點就開始陪住我，其實個傻佬真係好錫我，每次當佢整喊咗我，佢都會好緊張咁不停氹我！又或者落完雨行過啲滴水�H地方，佢都會怕啲水滴到我而揾手遮住我個頭。。。甚至每次行街，佢都會保護得我好好，成日都驚我俾人撞到，特別係我隻腳孕帶發炎開始，佢更加會特別緊張，雖然佢有時掛住禁電話而令我唔開心，但只要佢一氹我，我好快就會笑番∼我諗係得佢先可以令我又喊又笑。。。
今晚我哋食完飯就搭車返海怡，有人專登同我去買香蕉批！兼且送我返屋企時，仲買咗我最愛�H蕃茄百力支俾我，傻佬呀。。。你有時買呢啲小禮物俾我，我已經好冧喇！愛你∼
分類: 我們的生活點滴 |
