尋晚低能仔攰到瞓著咗，我whatsapp完佢，就瞓咗響張床等佢，等等吓我都不知不覺瞓著咗，哈哈∼
今日我哋約咗響旺角等，有人今日帶我去睇戲“反轉腦朋友”，套戲好好睇，而且仲好好笑，戲裡面嗰個阿愁，我都覺得好可愛同埋有啲似現實�H我，就好似 facebook玩嗰個心理測驗咁：個性好善良，但對事物�H睇法偏向悲觀，平時冇乜存在感，缺乏自信，遇到難題偏向放棄多過解決。經常都會出現冇力感，但又唔知點樣可以改善。呢一切都令我覺得有啲辛苦！亦好怕令我身邊嗰個佢，都會覺得辛苦∼
今晚我哋睇完戲行咗一陣，我扮晒嘢話唔見咗隻介指，其實我只係帶咗響另一隻手，見到佢以為我真係唔見咗隻介指時個樣，我覺得有啲冧架！因為佢話叫我企定定，佢沿路去揾，正傻佬∼到我俾另一隻手佢睇後，佢又響到傻笑……低能仔，呢隻介指對我嚟講好重要，我唔會唔帶、唔要同唔見！因為呢份係我同你第一份�H情侶裝，仲要係第一年情人節，你送俾我�H禮物∼
分類: 我們的生活點滴 |
