經過尋日響屋企做咗一日癱姫，加上今日又可以瞓到10點先起身返工，感覺冇之前咁攰∼今朝有人好早就揾我，仲要打電話俾我話今晚嚟接我，我真係覺得好幸福，bb ，我好愛你呀！
終於都嚟到最後一日喇！過埋今日以後都唔使再返灣仔∼起初我以為自己會有啲唔捨得，但點知係冇架。。。陣係想快啲收工，同埋快啲走！晏晝同 Auntie 響鋪頭撐枱腳，過埋今日都應該冇乜機會一齊食飯喇！兼且以後亦可以同啲米奇、米妮同埋強仔一家絕交，仲要唔使每次收工都要返去揾滴露沖涼搞到皮膚咁乾，而且咁又可以慳番啲錢，諗起都覺得興奮呀！
今晚收工前，當我拉埋側門嗰到閘，有人企咗響我隔離，嚇屎我呀！之前佢嚇我咁多次都嚇唔到，估唔到最後一日佢終於都成功喇！收工之後，我哋只係簡簡單單食咗個麥記，今晚仲食咗香蕉批添。。。其實每次同佢一齊�H時候，只要我食到啲好好味�H嘢，我都會覺得特別幸福架！今晚個香蕉批亦令我有呢種感覺∼好幸福、好滿足！
分類: 我們的生活點滴 |
