放咗一日假，今日又要返工喇！今朝一早又落狗屎∼好似我�H心情咁，一諗到返工就好似行刑咁，陰公豬！幸好朝早有隻 bb 豬同我 whatsapp 咗一陣啫！
今日返到公司就俾 Irene 捉住咗傾計，一傾就傾咗成粒鐘，當我哋傾緊�H時候，我發現我身邊有隻嘢 bear 住我兼西面，嗰個就係哥師奶！我終於發現一山還有一山高，佢衰�H程度俾起 Eric 仲要賤十倍有多，真不幸！！！！不過都唔緊要，正如低能仔所講，我暫時幫住 Maggie 一排，到揾到嘢做就走∼
今日食飯�H時候，我響 Facebook 睇到一篇嘢，我即時諗起低能仔，我 tag 咗佢個名俾佢睇，個傻佬覆咗我一句嘢，令我成日都不停傻笑，兼且心情變得大好！低能仔，唔止你愛到死咗，其實我都係一樣！
夜晚本來有人嚟接我收工，但因為嚟緊兩個星期有人都冇得放假，所以我叫咗佢去行啲自己鍾意�H嘢，我哋就約響旺角等！幸好佢今晚冇過嚟咋∼結果有人終於都揾到自己鍾意嗰部相機，個傻佬開頭十五十六，要帶埋我過去一齊睇，仲會問我意見添，嘻嘻。。。咁耐以嚟第一次咁樣咋，你都咪話唔冧！買完嘢我哋又去咗食日本嘢，雖然冇上次嗰間咁好味，但我都食得好開心，因為有你！
你今晚記得早啲瞓喇！你個樣真係好攰呀∼有人會心痛架！
分類: 我們的生活點滴 |
