今朝又要7點幾起身返工，個人好攰好眼瞓。。。幸好返埋今日，就可以放兩日中秋節假期！
今日返工依然都係四樓、十一樓兩邊走……講真唔攰就假，成日響到中眼瞓，兼且不在狀態，冇乜心機做嘢！晏晝�H時候，落咗街食飯，點知突然落狗屎！由頭濕到落腳咁返番公司，最慘係公司個冷氣勁凍∼我個頭開始好痛！
今晚收工落咗旺角等低能仔，每次等佢，我都會諗吓，佢今晚見到我又會點呢？會唔會好開心咁攬吓我呢？又或者會唔會錫吓我呢？但其實到最後係乜都冇，哈哈∼今晚我哋食完飯之後，我就響旺角繼續等佢，而佢就去咗佐敦交收∼唔知係咪因為我今日淋過雨，個身開始好熱，條頸亦開始痛番，所以我心情麻麻地∼我越想嗲佢，但越令到大家唔開心。。。我好想你會在意我多一啲！
分類: 我們的生活點滴 |
