今朝十點幾就醒咗，個人依然好攰，隻眼依然好唔舒服∼尋晚成晚瞓得唔好，成晚都瞓吓醒吓。。。
今日同爸爸、家姐食完嘢之後，我就去咗濕平。。。買咗啲日用品就返咗低能仔屋企，因為今日要“阿信的故事”……或者因為今日執嘢執到有啲攰，加上佢又冇乜理過我，所以搞到個人有啲憫憫哋！其實我想佢理我多一啲∼
今晚同家姐響屋企食生日飯，我哋食我至愛�H pizza ， 當然低能仔都係食呢啲啦∼食完嘢就等低能仔返，佢收工就返嚟接埋我先返屋企，服侍埋佢食晚餐後，就一齊睇咗陣男親女愛！不過我今晚發咗佢皮氣，其實我都會攰、我都會想人理我感受、我都想我係最重要，係比起任何一樣嘢都重要，我唔想做第二，你明唔明呀？
分類: 我們的生活點滴 |
