今日都係返寫字樓，雖然要好早起身，但好開心，可以收6點，咁就可以等低能仔收工喇！不過今日成日係咁屙∼屙到個人好攰！
今日響公司唔算好忙，但有啲突發事發生，搞到要行嚟行去！而且收工仲要帶兩袋貨去世貿。。。勁重呀！搞到個人攰上加攰∼
搞掂晒啲貨，我就響銅鑼灣四圍行，一路行，一路諗買乜嘢 snacks 俾低能仔呢？原本見 sogo 做台灣節，我以為會有芋頭酥，但最後賣晒，跟住就走去排隊買 cheese tart 喇！因為我見每次我哋行過有cheese tart 賣�H地方，佢都會望好耐∼我知要佢咁貴買個cheese tart 俾自己，佢一定唔捨得，除非我鍾意食，佢就捨得買，所以我就排隊去買定等佢收工∼況且爸爸、媽咪同家姐都鍾意食，排隊又有乜所謂呢？低能仔，希望你唔好鬧我啦！
今晚佢收工後，趕住去交收。。。去到餐廳就要整交收嗰部嘢，我其實已經有啲無奈，直到我拎個cheese tart俾佢，佢話佢唔鍾意食，我就更無奈！我只係想氹佢開心，但。。。。直至搭車，我忍唔住喊咗出嚟，其實有時一句說話，都會令人覺得好 hurt ，嗰一刻我有啲想問佢，點解每次都係我？點解每次你要我去做�H嘢，我都做晒。。。但點解我為你做�H嘢，你唔可以用欣賞�H態度去睇我？我係咪真係咁差？咁唔值得？？
分類: 我們的生活點滴 |
