今朝瞓到9點幾，就俾電話震醒咗，原來係低能仔俾咗個 surprise 我，有人今日放假∼不過。。。。我即時醒晒打電話俾佢！
我瞓到點幾先起身，好耐都冇瞓到咁晏，而啲人就瞓到2點幾，佢話帶我出街！我上到佢到見佢病得好緊要，燒得好勁。。。佢原本堅持要帶我出街，為咗佢好，我當然唔肯啦！我哋落街食完嘢，就返咗屋企逼佢貼退熱貼，兼且逼佢食咗粒藥！其實我唔想用分手嚟逼佢，但佢真係好燒，而且氹又氹過，佢都唔肯。。。呢個係唯一�H方法！不過個衰人扮吞咗，含響個口到扮食咗，激屎禾喇！最後佢都被逼吞咗∼夜晚我落咗香港仔拎嘢，仲買定感冒茶同晚餐返去俾佢，幸好佢乖乖哋同我食晒同飲晒啲嘢∼
其實每一次佢病，我都好想好好照顧佢，因為始終得佢一個住，我唔放心佢，加上佢份人唔係好錫自己，成日乜都唔理，所以我更加想照顧得佢好一啲！況且照顧佢，我覺得好幸福∼
分類: 我們的生活點滴 |
