今日返寫字樓，每逢臨近聖誕節返親貨都執到隻狗咁，今日都唔例外∼
有人今日返 emax ，我收工之後，就過九龍灣接佢，原本係諗住過埋去接佢，但我又怕我呢頭過緊去，佢嗰頭就出緊嚟，所以我唯有響德福廣場坐住等，點知個傻佬未收得工，叫我響佢樓下等佢，我就乖乖哋過咗去！可能因為今日成日都胃痛，加上又忙，所以個人特別攰∼企響到等佢�H時候，真係感覺到成個人唔屬於我咁∼
佢收工後我哋搭小巴落咗旺角食飯，個傻佬搭小巴時，好嗲咁瞓落我到∼佢好小會咁樣，我知佢真係好攰……但見到佢咁嗲，我又覺得好 sweet ！食完飯我哋就搭車返去，響車到我個胃越嚟越痛，兼且好想嘔，所以我冇出過聲，亦冇話俾佢知∼我唔想佢咁攰都仲要擔心我，就正如佢整親隻手都唔同我，係唔想我擔心一樣！
分類: 我們的生活點滴 |
