今日瞓到成點先起身，周身依然好痛、好暈……起身之後，就嗱嗱臨整嘢過低能仔屋企，今日要大掃除∼
好耐都冇上去執屋。。。呢排我哋兩個都好忙，莫講話執屋，連煮飯�H時間都冇∼搞到佢住又住得唔舒服，食又冇啖好食！執完嘢我返咗屋企沖涼，就去香港仔食冬至飯！
有人今晚收早，就落香港仔揾我拎鎖匙∼點知爸爸出咗嚟叫佢一齊做冬，不過佢要做功課，所以推咗∼其實我都想佢一齊入嚟食，始終拍咗拖咁耐，我當然想佢以男朋友身份見我屋企人，我想個個都知佢係我男朋友，我想佢哋都知我幸福∼可惜佢要做功課唔一齊去食！
食完飯有人叫我返去揾佢，點知我仲早過佢返去∼今晚啲人對我好温柔，兼且知我唔舒服仲服侍我食藥添！低能仔，為你執屋、服侍你，係我最幸福�H時候，希望一世都係咁！
分類: 我們的生活點滴 |
