好凍好凍好很凍呀∼今日真係凍咗勁多，幸好唔使返工，如果唔係實傷風∼不過我�H bb 今日要捱凍咁爬返工，陰公豬！
雖然今日咁凍而且又放假，但我都冇偷懶。。。依然出咗去買餸！因為想煮飯俾啲人食∼返到屋企同肥豬沖完涼，洗埋啲衫，就開始煮飯喇！原來做一個師奶真係好難，特別響咁凍�H天氣下！一路洗菜、洗米時，雙手凍到又痺又痛，個人又係咁震∼我諗今晚餐飯都未必煮得好食。。。
今晚整咗“沙茶雞”、“蒜蓉炒芥蘭苗”、“薑葱生豪煲”同“鮑魚螺片燉雞湯”！全部都係中菜。。。好少會煮咁真正�H住家飯，因為有人話我煮西餐好味啲>.<
有人今晚收早，6點幾就返咗屋企等我∼我拎晒啲嘢過到去，點知有人俾咗個超大�H驚喜我∼紅帽子。。。紅帽子。。。紅帽子呀！！！！佢竟然買咗我好想要嗰盒紅帽子俾我，兼且仲有我最愛�H住多啤梨蛋膠，我真係好開心！但紅帽子真係太貴∼我自己都唔捨得買，因為我寧願留翻啲錢買嘢煲湯俾佢，都唔捨得自己食咗去！估唔到有人睇完我個 blog 後，今日就帶佢返我屋企。。低能仔，你好傻呀！下次唔準嘥錢，我唔食呢啲冇乜問題架！有你就足夠∼
今晚只係見咗好少時間，我好唔捨得∼好想攬住佢唔走……但可惜佢實在太攰，我只能做就係俾佢瞓！！過埋聽日，想攬住瞓唔知要等幾耐喇！
分類: 我們的生活點滴 |
