今日開始，每逢星期四都會係一個人的假期，雖然冇得一齊休息，但有樣嘢都幾好，就係以後我休息都可以煮飯煲湯，又或者係好似今晚咁等佢返嚟接我食飯，再唔係就我出去接佢又得！
今日瞓到十二點幾，就聽到 whatsapp 響，係低能仔揾我，我覆完佢之後就再瞓過，一瞓就瞓到三點∼好耐好耐都冇試過咁好瞓。。。醒咗就等我�Hbb返嚟！
今晚有人帶我去咗香港仔食飯，仲要幫爸爸買嘢。。。食飯�H時候，有人同我講起將來，但嗰個將來冇提過我，我有啲唔開心∼結果我嬲得滯將佢隻碟嗰隻蝦吞咗落肚！佢嗰刻要我即刻吐返出嚟，因為我對蝦有過敏∼可惜隻蝦已經響我個肚裡面喇！
其實我自己知自己事，結婚真係一件遙不可及�H事！就算想有一個屋企，都可能好難。。。
分類: 我們的生活點滴 |
