今朝一早已經起身整嘢返工，但個人暈到好似玩氹氹轉咁，休息咗一陣都係咁，最後就決定食埋藥上床休息∼一瞓瞓到三點幾先起身！
有人今日唔記得拎嘢，結果5點幾就返咗嚟，仲抽到少少時間陪我去食嘢（但我依然冇乜胃口……）不過食完嘢佢就要趕住出去！而我就自己去睇醫生！
今朝除咗暈之外，右邊耳仔好痛，醫生話啲菌走咗上去，所以先會咁痛咁暈同發燒。。。又要食抗生素喇！返到屋企食埋藥，就喱咗響張床冇郁過！
佢交收完原本係返嚟睇我，但有人尋晚冇乜點瞓過，我唔捨得佢攰，就叫佢返去抖吓！病咗好想嗲佢，所以打咗個電話俾佢，但佢冇聽到。。。嗰一刻我係好擔心佢有事，隔咗一陣佢打番俾我，不過佢覺得我話佢專登唔聽我電話，其實點解唔可以向好嗰方面諗我？點解唔可以理解為我驚你有事？呢一刻我真係覺得。。。。
分類: 我們的生活點滴 |
