今日原本放假，但因為阿容要去旅行，而 big chu 又唔可以自己一個埋數同收錢，所以我就幫阿容返∼但尋晚俾媽咪搞到嚴重冇得瞓，今朝7點起身個人勁攰，結果今日不停中眼瞓之餘，仲足足飲咗4杯檸茶，搞到個胃有啲唔舒服∼
其實今日我成日都覺得好 sweet, 因為有人一有時間就揾我，而且仲響 Facebook 玩完個心理測驗之後，仲 post 咗出嚟。。。嗰個測驗結果係關於我�H！之前佢個女仔朋友響佢 Facebook 放出嚟，話佢哋有9成似，而啲人仲話個女仔似我哋�H影，我有少少唔開心架！因為我真係覺得佢好似我哋之間�H影子咁，無時無刻都會出現∼我知我好低能，但我怕佢真係成為我哋�H影子！不過幸好啲人都肯響 facebook 氹我開心，我鍾意咁�H佢<3
收工之後，我落咗銅鑼灣接佢收工，見未夠鐘，就去咗商務睇書，嘻嘻。。。睇到咁上下，就去買啲嘢食俾個傻佬氹吓佢，而啲人驚我冷親，就叫我上佢公司等，不過我排緊豬屎撻，唯有同佢講自己濕平緊！
今晚真係好開心，有人一落嚟就同我玩，又帶我行街，又話聽晚元宵嚟接我收工去食湯丸，仲要應承我放假�H時候，會將佢送俾我本相薄，響啲空白地方填番啲字上去添∼我真係覺得好幸福。。。幸福到好實咁攬住佢！
幸福係你會因為一個遊戲而諗起我；幸福係因為你會疼惜我；幸福唔需要買好貴�H禮物俾我，而係用心為我做一份小禮物；幸福係能為你做任何一切，而你同時會由心笑出嚟！響車幫你按摩完隻手，你嗰個笑容令我好幸福∼多謝你呀！
分類: 我們的生活點滴 |
