星期三喇。。。終於都星期三喇！返埋今日就可以抖一日∼我聽日一定要做睡公主！
有人今日放假，可以響屋企瞓吓，真係好！但下晝就要返一返學校，夜晚就等我收工∼有人尋晚同我講，佢今日要返學校做功課，點知又係呃我∼係就係返學校，但就唔係做功課，而係歌唱比賽囉！其實我大約都知每年邊段時間佢要比賽，一次係十一月，另一次就係三月∼我唔介意佢去參加，但我介意呢啲善意�H謊言，因為有呢啲謊言，好容易會有更多大大小小�H謊言出言，我唔想有一日佢講任何一樣嘢時，我都要諗究竟係咪真？！
收工後有人響深水埗等我，今晚我好攰好攰∼攰到俾埋個袋佢幫我拎！有人今晚又帶我去我最鍾意嗰間食飯，食完又同我行咗一陣，今晚我哋玩得好癲，好開心∼而且我發現，呢排每一晚佢都會送到我去屋企樓下先走！你知嘛。。。真係好窩心架！低能仔，你呢世都對我咁窩心得唔得呀？
分類: 我們的生活點滴 |
